“Nga ideja tek dizajni” ky ishte aktiviteti i zhvilluar nga shkolla profesionale teknike Korçë në bashkëpunim me disa shkolla 9-vjeçare, në kuadër të Ditës së Vajzave. Një takim kreativ që bëri bashkë talentin dhe bashkëpunimin, ku grupet e vajzave punuan së bashku me nxënësit e drejtimit TIK për të krijuar postera me mesazhe frymëzuese mbi rolin dhe suksesin e vajzave në profesion.

“Ne jemi nxënëset e shkollës “Sevasti Qiriazi” dhe sot do prezantohemi me temën “vajzat shqiptare në IT” me të cilën duam të përcjellim mesazhin dhe forcën e vajzave shqiptare në fushën e teknologjisë”, deklaroi Ilda Agolli, koordinatore e projekteve.

Vajzat ndanë idetë dhe mesazhet që synuan të përcjellin përmes punimeve të tyre

Sipas drejtores së shkollës, aktivitete të tilla synojnë fuqizimin e vajzave për të zgjedhur profesionin që dëshirojnë, pa u ndikuar nga stereotipet gjinore.

“Nëpërmjet këtij aktiviteti duam të tregojmë fuqinë e profesionit jo vetëm n ë rajonin tonë por edhe më gjerë. Duke u fokusuar kryesisht te vajzat të cilat mundtë jenë pjesë e çdo profesioni”, u shpreh Anxhela Taho,  drejtore e shkollës profesionale teknike Korçë.

Ky aktivitet solli një tjetër shembull se si edukimi dhe kreativiteti mund të shërbejnë si nxitje për barazi dhe zhvillim në shoqëri.