Në fshatin Godolesh të Bashkisë Elbasan ka nisur vjelja e qershisë, një pemë karakteristike e zonës e kultivuar prej dekadash në kodrat e fshatit. Fermerët janë të kënaqur me ecurinë e tregut, pasi një kilogram qershi shitet me 400-450 lekë, varësisht nga cilësia

Ky çmim është arritur për shkak të shfaqjes së qershive të para, të cilat kanë cilësi elitare.

“Sivjet ka qenë më mirë , krahasim me vitet e kaluara”, shprehen fermerët.

Fermerët shprehen se qershitë seleksionohen për të nxjerrë në treg më të mirën, duke mbajtur kërkesën të lartë. Edhe pse prodhimi këtë vit është më i ulët për shkak të kushteve të motit, cilësia nuk ka humbur.

“Prodhim më i pastër, tregu më i mirë. Jemi të kënaqur me mallin që del në treg dhe me çmimin”, shprehen konsumatorët.

Vjelja e qershive ka bashkuar të rinjtë dhe të moshuarit, pasi të rinjtë kthehen nga emigracioni për t’i ndihmuar prindërve, duke sjellë fitime të mëdha.

Godoleshi është tani një destinacion i frekuentuar nga tregtarët e Tiranës, Korçës, Durrësit dhe qytetarët e Elbasanit që duan t’i marrin qershitë drejtpërdrejt nga pema.

/rtsh.al/