Begaj udhëton drejt Malit të Zi, pjesë e Samitit të Procesit të Bërdo-Brijunit

Politikë | 2 vite më parë

Presidenti Bajram Begaj, është nisur drejt Malit të Zi, ku do të marrë pjesë në Samitin e Procesit të Bërdo-Brijunit.

Gjatë Samitit, Presidenti do të takohet me homologët e tij, si dhe me përfaqësues të shqiptarëve në Malin e Zi.

Samiti i Procesit Brdo-Brijuni do të mbahet më 8 tetor 2024 në Tivat, ku të pranishmit do të diskutojnë mbi zgjerimin e bashkëpunimit rajonal, si dhe përshpejtimin e procesit të integrimit të plotë të Ballkanit Perëndimor në Bashkimin Evropian.

Procesi i Bërdo-Brijunit është një mbledhje shumëpalëshe e përvitshme e krerëve të shteteve në Ballkanin Perëndimor. Kjo nismë e presidentit slloven Borut Pahor dhe atij kroat Ivo Josipoviq e ka zanafillën në vitin 2013.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.