Pjeshkët e Barbullinjës po dalin në treg normalisht këto ditë dhe çmimi i tyre është i kënaqshëm për fermerët, edhe pas lajmit për kthimin e rreth 5500 kilogramëve nga Kroacia.

Vëllezërit Denis dhe Gazment Murati janë duke vjelë prodhimin e stinës për eksport, të bindur se fruti i tyre i përmbush standardet e BE. Ata theksojnë se çdo shërbim në plantacion është bërë me këshillimin e specialistëve të bujqësisë. Edhe djali i tyre, Enea, e pohon këtë ndërsa shijon frutin.

“Ne pjeshkat i bëjnë ashtu siç do të dëshironim ne ti konsumonim”, u shpreh Enea Murati.

Kthimi i një sasie prodhimi nga Divjaka është rasti i parë për pjeshkën, por qe ka penalizuar në fakt të gjithë fermerët. Ata kërkojnë që çështja të hetohet nga strukturat e shtetit, por puna e ndershme të mos njolloset.

“Kemi kaq vite që punojmë e dimë kur i spërkasim, ka gabuar njëri dhe digjemi të gjithë ne të tjerët”, u shpreh fermeri, Denis Murati.

“Produktet tona janë shumë të mira sepse jkemi vite që punojmë, kemi specialist të caktuar për ketë, edhe ilaçet që marrim janë të BE”, tha Gazment Murati, fermer.

Prej 15 vitesh, pjeshkat e Barbullinjës plotësojnë tregun vendas dhe mbeten pjesë e rëndësishme e eksporteve drejt vendeve të BE dhe më gjerë.

/rtsh.al/