Jahir Muja, edhe pse në moshë, vazhdon të merret çdo ditë me punët e bujqësisë. Në mëngjes nis mbledhjen e trëndafilit të egër. Pjesën më të madhe të ditës ia kushton kujdesit për tokën dhe misrit.

“Është fillimi i vjeshtës, tani është koha pasi janë plotësuar kushtet dhe tani duhet prerë”, u shpreh Muja.

Misri me farë të bardhë është më i kërkuari thotë Jahiri, pasi shfrytëzohet për shumë qëllime, si ushqim për bagëtinë dhe për konsum familjar.

“Misri i bardhë është shumë i mirë për bukë”, tha fermeri.

Megjithëse shumë parcela janë dëmtuar nga kafshët e egra, ai thotë  ka edhe toka ku prodhimi ka dalë i plotë dhe pa dëmtime si parcela ku ndodhemi.

Pas përfundimit të korrjes së misrit, toka duhet përgatitur për sezonin tjetër bujqësor. Fermerët tashmë po mendojnë për mbjelljen e grurit, e cila nis menjëherë pas mbylljes së këtij cikli.

/rtsh.al/