Në krahinën e Mokrës ndodhen Varret Mbretërore Ilire të Selcës së Poshtme, një nga destinacionet më të veçanta arkeologjike në Ballkan, që tërheq çdo vit studiues dhe turistë. Të zbuluara rastësisht gjatë periudhës së komunizmit, ato përfaqësojnë një nga komplekset më të rëndësishme të periudhës ilire.

“Erdhën nga Tirana arkeolog filluan gërmimet duke zbuluar dhe varret e tjera”, u shpreh Ramiz Kume, banor i zonës.

Zona ka potencial të madh turistik, ndërsa thekson se rikthimi i emigrantëve dhe investimet në turizmin rural mund të zhvillojnë më tej këtë trevë, por kërkohet më shumë mbështetje institucionale.

“Këtu turistët vijnë dhe nuk gjejnë shërbim”, tha mësuesi i zonës, Besnik Xhyra.

Një shembull i tillë është Ilir Oparaku, i cili është kthyer nga emigracioni dhe ka ngritur një bujtinë në zonë, duke ofruar për vizitorët eksperienca të veçanta në natyrë.

“Kam punuar që 15 vjeç në emigrim dhe tani kam ardhur këtu për të punuar”, tha një tjetër banor i zonës.

Varret i përkasin shekujve IV–III p.e.s. dhe lidhen me qytetin antik ilir të Pelionit, ndërsa studiuesit besojnë se një pjesë e madhe e historisë së kësaj zone mbetet ende për t’u zbuluar.

Gazetare: E. Fili   

/rtsh.al/