Zjarr mes disa fshatrave të Gjirokastrës, flakët shuhen pas 6 orësh, dyshohet zjarrvënie e qëllimshme

Aktualitet | 2 muaj më parë

Një zjarr i fuqishëm shpërtheu mbrëmjen e djeshme midis fshatrave Asim Zeneli, Antigone dhe Saraqinisht të Gjirokastrës, duke përfshirë një sipërfaqe të konsiderueshme me barishte dhe shkurre.

Flakët u përhapën me shpejtësi në katër vatra të ndryshme, duke ngritur dyshime për zjarrvënie të qëllimshme.

Pas një beteje të gjatë që zgjati rreth gjashtë orë, efektivët e Shërbimit të Mbrojtjes nga Zjarri dhe Shpëtimit arritën të neutralizonin plotësisht zjarrin në orën 04:45 të mëngjesit.

Terreni i thyer dhe bimësia e dendur e bënë ndërhyrjen tepër të vështirë, por falë fatmirësisht u shmang përhapja e mëtejshme e flakëve.

Hetimet për ngjarjen kanë nisur, ndërsa organet ligjzbatuese po punojnë për të zbardhur shkaqet dhe për të identifikuar autorët e mundshëm të zjarrvënies.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.