Pezullohen punimet e ndërtimit deri më 15 shtator në zonat turistike, Gonxhja: Jo dam dum në sezonin turistik
Gjatë sezonit turistik të këtij viti, punimet e ndërtimit dhe aktivitetet e lidhura me to në zonat turistike do të pezullohen përkohësisht, në zbatim të ligjit nr. 83/2026 dhe vendimit të Këshillit të Ministrave. Vendimi hyn menjëherë në fuqi dhe do të zgjasë deri më 15 shtator.
Ministri i Turizmit, Blendi Gonxhja, ka bërë publike këtë masë, duke sqaruar se vendimi përcakton qartë se cilat punime pezullohen, cilat përjashtohen, zonat ku zbatohet masa, rregullat për lejet e ndërtimit, si dhe masat administrative në rast shkeljesh.
“Jo dam dum në sezon. Në zbatim të ligjit nr. 83/2026 dhe vendimit të Këshillit të Ministrave, gjatë sezonit turistik 2026 pezullohen përkohësisht punimet e ndërtimit dhe aktivitetet e lidhura me to në zonat turistike. Periudha e pezullimit fillon me hyrjen në fuqi të këtij vendimi dhe përfundon më 15 shtator 2026. Kjo masë synon të garantojë zhvillimin normal të sezonit turistik, mbrojtjen e destinacioneve turistike dhe një mjedis më të qetë e cilësor për qytetarët dhe vizitorët”, shkruan Ministri mes të tjerash.
Postimi i plotë:
Jo dam dum në sezon! Në zbatim të ligjit nr. 83/2026 dhe vendimit të Këshillit të Ministrave, gjatë sezonit turistik 2026 pezullohen përkohësisht punimet e ndërtimit dhe aktivitetet e lidhura me to në zonat turistike.
Periudha e pezullimit fillon me hyrjen në fuqi të këtij vendimi dhe përfundon më 15 shtator 2026.
Kjo masë synon të garantojë zhvillimin normal të sezonit turistik, mbrojtjen e destinacioneve turistike dhe një mjedis më të qetë e cilësor për qytetarët dhe vizitorët.
Vendimi përcakton qartë:
Punimet që pezullohen;
Punimet që përjashtohen nga pezullimi;
Zonat ku zbatohet masa;
Rregullat për lejet e ndërtimit;
Masat administrative në rast shkeljesh;
Institucionet përgjegjëse për monitorimin dhe zbatimin e tij.
Ftojmë të gjitha subjektet që ushtrojnë veprimtari ndërtimore të respektojnë kërkesat e legjislacionit në fuqi dhe të bashkëpunojnë me institucionet përgjegjëse për garantimin e një sezoni turistik të qetë, të sigurt dhe me standarde të larta.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
