Partizani lojën, Vllaznia golin: vendos Balaj

Abissnet Superiore | 33 minuta më parë

Vllaznia shtang Partizanin në “Air Albania” duke i rrëmbyer një fitore 1-0 në javën e 12-të të “Abissnet Superiore” në një ndeshje që erdhi për shikuesit në ekranin e RTSH(RTSH1 DHE RTSH Sport.

Të kuqtë u shfaqën më kërkues në këtë sfidë, krijuan volum loje dhe arritën të gjejnë rrugën e rrjetës në fundin e pjesës së parë me anë të Sidibe, por që u anullua nga VAR për prekje të topit me dorë.

Në pjesën e dytë skuadra shkodrane, mjaft racionale në lojë dhe në rastet e krijuara, arriti të fitojë një 11-metërsh që u kthye në gol nga Balaj. Në 15 minutat e fundit Vllaznia mbeti me 10 lojtarë pas kartonit të kuq të dhënë për Obina, për një ndërhyrje të ashpër ndaj Hjumën.

Gjithsesi, superioriteti numerik nuk i ndhmoi të kuqtë të ndryshonin fatin e ndeshjes në favor të tyre, kuqeblutë rrëmbyen një fitore mjaft të rëndësishme duke u ngjitur në kuotën e 15 pikëve. Partizani mbetet në kuotën e 10 pikëve, në vend të fundit.


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme