Këto ditë shtatori në të gjithë qarkun e Fierit interesi për aplikimet në skemën e subvencioneve në bujqësi është i lartë. Astrit Abedinaj, fermer nga Kurjani i Roskovecit, aplikon për herë të katërt. Ai la pas 20 vite emigrimi për të nisur fermën e tij organike me ullinj, në vendlindje.

“E lash emigrimin sepse këto punë që po bëj këtu i bëja dhe andej, kështu vendosa të kthehem dhe kam mbjellë në të gjitha tokat ullinj dhe jam shumë i kënaqur”, u shpreh fermeri.

Mbështetja nga skema e subvencioneve ne AZHBR , ka ndikuar që fermeri të zgjerojë sipërfaqet e mbjella.

“Kam aplikuar për 3 vite rresht dhe jam shumë i kënaqur”, tha Abedinaj.

Astrit Abedinaj pohon se këtë vit ka pritshmëri të lartë të prodhimit të ullirit, kjo falë reshjeve të fundit.

“Kam mbjellë ullinj të ndryshëm”, tha ai.

Në këtë zonë të Roskovecit, nuk ka më toka të lira për t’i marrë me qira, pasi po shfrytëzohen nga vetë fermerët për të shtuar sipërfaqet me ullinj.

/rtsh.al/