Ansambli Kombëtar i Këngëve dhe Valleve Popullore do të zhvillojë një turne artistik në Itali, duke çuar traditën dhe kulturën shqiptare përpara publikut dhe komunitetit të emigrantëve atje.

Lajmi është bërë me dije nga Kryeministri Edi Rama përmes një postimi në rrjetet sociale, ku ka vlerësuar rëndësinë e këtij aktiviteti kulturore si një urë lidhëse me rrënjët kombëtare.

“Katër qytete, katër mbrëmje plot këngë, valle, ngjyra dhe emocione, në një festë që bashkon shqiptarët me rrënjët dhe kulturën e tyre”, ka shkruar Rama në mesazhin e tij, duke publikuar gjithashtu kalendarin e koncerteve.

Kalendari i shfaqjeve në katër qytete italiane

Turneu do të shtrihet në katër qytete të ndryshme të Italisë veriore, duke ofruar një program të pasur me pjesë muzikore e koreografike nga trashëgimia popullore shqiptare.

Datat dhe qytetet ku do të perfomojë Ansambli Kombëtar janë:

• 19 shtator – Brescia
• 20 shtator – Torino
• 21 shtator – Pordenone
• 22 shtator – Rovereto

Aktiviteti synon të mbledhë dashamirësit e artit popullor dhe pjesëtarët e diasporës shqiptare në Itali në një festë të përbashkët kulturore.

/rtsh.al/