Malësia e Madhe po përgatitet për një sezon turistik me pritshmëri të larta. Sipas drejtuesve të sektorit të turizmit në këtë bashki, këtë vit pritet një rritje e numrit të vizitorëve jo vetëm në  destinacionet e njohura malore  si Razma, Boga, Vermoshi dhe Tamara, por edhe përgjatë bregut të Liqenit ku janë realizuar disa investimeve në infrastrukturë.

“Kemi realizuar investime të ndryshme në rrugë të dytësore lidhëse sidomos përgjatë bregut liqenor është dhe një investim në vijën liqenore, një rrugë ciklistike me shumë rëndësi për zonën tonë”, u shpreh Eristjan Smajlaj, Përgjegjësi i Turizmit, Malësi e Madhe.

Një nga prioritetet kryesore për zhvillimin e mëtejshëm të turizmit në Malësinë e Madhe mbetet shtimi i kapaciteteve akomoduese. Rritja e numrit të vizitorëve sjellë nevojën për më shumë struktura pritëse.

“Do të donim të kishim një kapacitet më të lartë investime më të mëdha”, tha ai.

Me natyrën e saj të veçantë, nga Alpet shqiptare deri në brigjet e liqenit të Shkodrës, Malësia e Madhe synon të konsolidojë pozicionin e saj si një nga destinacionet turistike më tërheqëse në veri të Shqipërisë

Gazetar: A.Hoti 

/rtsh.al/