Orban nuk merr pjesë në inaugurimin e Trump – Kryeministri hungarez do të mbajë një fjalim në vendin e tij më 20 janar

Botë | 2 vite më parë

Presidenti i sapo zgjedhur i SHBA-së ka thyer me traditën duke ftuar liderët botërorë në ceremoninë e 20 janarit. Por, kryeministri hungarez, Viktor Orban, ka njoftuar se nuk do të marrë pjesë në këtë ngjarje.

Orban, i cili ka qenë një mbështetës i Trumpit për shumë kohë, ishte ftuar për të marrë pjesë në këtë ceremoni në Washington, bashkë me liderë të tjerë të djathtë nga e gjithë bota, përfshirë Javier Milei nga Argjentina dhe Giorgia Meloni nga Italia.

Megjithëse ka pasur një marrëdhënie të ngushtë me Trumpin, kryeministri hungarez ka vendosur të mos udhëtojë në SHBA, por të mbajë një fjalim në Budapest në atë ditë. Fjalimi i tij do të fokusohet në presidencën e Hungarisë në Bashkimin Evropian, sipas sekretarit të tij për shtyp, Bertalan Havasi.Orban, i cili është kritikuar për politikat e tij që po kthejnë Hungarinë në një “autokraci zgjedhore”, ka qenë një mbështetës i hershëm i Trumpit, duke e ndihmuar atë gjatë fushatës për Shtëpinë e Bardhë në vitin 2016.

Gjatë mandatit të parë të Trumpit, ai e priti Orbanin në Shtëpinë e Bardhë në vitin 2019.Kryeministri nacionalist hungarez udhëtoi në SHBA në korrik të vitit të kaluar për t’u takuar me Trumpin në Mar-a-Lago, Florida. Pas këtij takimi, Orban e lavdëroi Trumpin, duke thënë se ai mund të përmbyllte luftën e Rusisë në Ukrainë nëse do të zgjidhej përsëri president.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme