Numri i përdoruesve të drogave në vend është rritur ndjeshëm gjatë 5 vjeçarit të fundit. Mjekët konfirmojnë  një ulje të moshës së përdoruesve të lëndëve narkotike , kryesisht tek të rinjtë  që konsumojnë kanabis

Shifrat e përdoruesve të lëndëve narkotike  kanë pësuar një rritje të ndjeshme gjatë viteve të fundit në vende të ndryshme të botës , por edhe në Shqipëri .

Mjekët toksikologe japin alarmin se është ulur mosha e atyre që konsumojnë droga të ndryshme . Ata  konfirmojnë se lëndët narkotike tashmë  konsumohen edhe nga 10 vjeçarët.

Bluzat e bardha sqarojnë se adoleshentet konsumojnë kryesisht kanabis. Pjesa më e madhe e tyre vijojnë duke pirë këto lloje droge, një pjesë heqin dorë , të tjerë mund të kalojën edhe në droga me të forta.

Totali i rasteve vjetore , të cilat marrin trajtim ambulator apo edhe  spitalor shkon në 600-700 në vit , ndërkohë që numri përdoruesve të dograve është shumë herë më i madh .

Shifrat në rritje e  përdoruesve të lëndëve narkotike  në Shqipëri ka ardhur si pasojë e mos kontrollit në shkolla dhe liria e tepruar familjare.

Gazetare Keti Toroveci

/RTSH/