Me pretendimin se ka patur shkelje, kandidati humbës për Bashkinë e Kuçovës Lefter Maliqi  i është drejtuar SPAK-ut duke kallëzuar funksionarët e KZAZ-së në këtë bashki.

Maliqi tha se sistemi i kamerave ishte në dorë të anëtarëve të këshillit të PS, ku sipas tij në moment votimi dhe numërimi kamerat nuk punonin.

“Unë kam një bindje totale që këto fakte për përfaqësuesi t KZAZ, nuk ka pas më skandal që këto në shkelje të kodit zgjedhor ku drejtorë të bashkisë merrnin pjesë në numërim kur anëtar të këshillit të PS ishin edhe në sistemin kamerave, ishin edhe pjesë të tavolinave të numërimit. Kështu që shkeljet janë të faktuara me fotografi  dhe filmime”, tha Maliqi.

Në fund ai tha se ka bindjen se provat filmike do të përdoren nga SPAK për hetim lidhur me shkeljet e Kodit Zgjedhor.

Lefter Maliqi, kandidati i koalicionit ‘Bashkë Fitojmë” humbi në garën për bashkinë e Kuçovës, ku fitues doli socialisti Kreshnik Hajdari.

/rtsh.al/