Si sot, 110 vite më parë, lindi publicisti, poeti dhe përkthyesi shqiptar Vedat Kokona. Ai ishte një nga përkthyesit kryesorë nga frëngjishtja, italishtja, anglishtja dhe rusishtja në gjuhën shqipe. 

Vedat Kokona ka sjellë në shqip rreth 15 mijë vargje nga poezia botërore.  

Ai la  një dhuratë të çmuar për gjuhën: fjalorin 35 mijë fjalësh shqip-frëngjisht. 

Në këtë 110 vjetor të lindjes së tij Biblioteka Kombëtare dhe Qëndra Kombëtare e Librit kanë hapur  ekspozitën me librat e tij. 

Në kujtimet e atyre që punuan me Kokonën, Pirro Misha, Diana Çuli, Edmond Tope, ai vjen si ati shpirtëror i frankofonëve shqiptarë 

Kokona mban titullin doktor “Honoris Causa” i Universitetit të Tiranës, dhe është nderuar me titujt e dhënë nga Republika Franceze “Kalorës i Urdhrit të Arteve dhe të Letërsisë” më 1995 dhe “Oficeri i Urdhrit të Palmave” më 1996.

/ rtsh.al /