Kryeministrja italiane Xhorxha Meloni (Giorgia) në fjalën e saj në konferencën e përbashkët me homologun Edi Rama, u ndal te marrëveshja Itali–Shqipëri për emigrantët e paligjshëm dhe te ndërtimi i dy qendrave në Gjadër dhe Shëngjin.

Kryeministrja theksoi se dy qendrat, si e Gjadrit dhe ajo e Shëngjinit, do te jenë operative nga 1 gushti. Më tej ajo theksoi se në vend do të mbërrijnë vetëm gratë shtëtzëna, fëmijët dhe personat në moshë të caktuar.

Ndërsa në qendrën e Gjadrit do të ketë një “burg” për emigrantët që do të kryejnë vepra penale.

“Struktura e Gjadrit do ketë edhe funksion tjetër. Atu do ndalen emigrantët dhe do ketë dhe një zonë ku do mbahen emigrantët e burgosur, në rast se do kryejnë veprat penale.

Perimetri brenda qendrave do garantohet nga autoritetet iraliane dhe dy qendrat do jenë operative nga 1 gushti 2024”, tha Meloni.

Kryeministrja u ndal edhe te akuzat e medieve italiane për kryeministrin Rama dhe qeverinë shqiptare, duke theksuar se nuk po bëjnë asgjë tjetër veçse po i vijnë në ndihmë Italisë.

“Sot Rama quhet kriminel. Nuk është ai shënjestra, italianët e kuptojnë. I janë mirënjohës qeverisë për këtë përpjekje të rëndësishme në shenjë miqësie mes dy popujve.

Kur verën e kaluar erdha në Shqipëri dhe diskutuam për këtë marrëveshje morëm parasysh disa kushte. Emigracioni i jashtëligjshëm është fenomen shqetësues dhe vendet e BE nuk e përballojnë të vetme. Duhet edhe ndihma e vendeve të tjera të BE dhe vendeve jashtë BE dhe nuk na mbetet veçse të forcojmë bashkëpunimin.

Arritëm te kjo marrëveshje që bazohet në 3 objektiva: lufta ndaj qenieve njerëzore; emigracioni paligjshëm. Përmes kësaj marrëveshje Shqipëria ka vënë në dispozicion edhe disa territore të saj: Shëngjin dhe Gjadër ku Italia po kryen punimet për ngritjen e dy qendrave. Marrëveshje inovative”, tha Meloni.

/rtsh.al/