I ftuar në emisionin “3D” nga Alban Dudushi, analisti Neritan Nesturi tha se sipas tij, çdo luhatje në Maqedoninë e Veriut ndikon në të gjithë rajonin.  

Nesturi tha se Shqipëria duke qenë se është dhe vend i vogël e ka të domosdoshme ndihmën e ndërkombëtarëve, në një rajon ku gjërat mund të ndryshojnë shumë shpejt.

“Shqipëria duke qenë se është dhe vend i vogël e ka të domosdoshme ndihmën e ndërkombëtarëve në një rajon ku gjërat mund të ndryshojnë shumë shpejt. Faktin që menjëherë pas zgjedhjeve në Maqedoninë e Veriut, fillon të shikohet i gjithë rajoni ndryshe, dhe kjo për vetë faktin se Maqedonia e Veriut është në qendër të Ballkanit dhe çdo luhatje që ndodh atje ndikon në të gjithë rajonin. Ndikon në marrëdhëniet me Greqinë dhe Bullgarinë, të dyja vendet e NATO por dhe BE. Kjo ndikon dukshëm në të gjitha vendet e tjera”, tha Nesturi.   

/rtsh.al/