Kryetari i Bashkisë së Tiranës, Erion Veliaj ka reaguar pas protestës së opozitës përpara institucionit që ai drejton ku u hodhën edhe shishe molotov.

Në reagimin e tij, Veliaj ka publikuar edhe videon në rrjetin social ‘X’, ku duket se si oficeri i policisë bashkiake, Asllan Shyti largoi me këmbë shishen e mbushur me molotov që hodhën protestuesit duke shpërthyer para Bashkisë së Tiranës.

“Asllan Shyti shmangu djegien e kolegëve e të vetes! As e njoh, as më njeh. Shkoi në punë me kolegët e policisë jashtë, si kolegët e bashkisë brenda!”, shkruan Veliaj.

Ai ka hedhur akuza ndaj drejtuesve të protestës, Argita Malltezit dhe Klevis Balliut.

“Nuk ka problem të protestosh dhe kur je pinjoll i Saliut e Fahriut që e dogjën këtë vend! E drejta jote!  Por ka shumë problem kur kërkon të vazhdosh të djegësh për të kompensuar votat e protestuesit që s’të mbështesin.

Në Bashki punojnë njerëz që nga koha e Kelmemdit e Brojkës. Policët gjithashtu kanë qenë e do jenë të shtetit”, thekson Veliaj.

Kreu i Bashkisë shkruan më tej se skenat e vitit 1997 “nuk kanë vend në Tiranën e 2024-ës!  Asllanin e shokët i ruajti Zoti më atë reagim! Mirënjohje të gjithëve!”

/rtsh.al/