Komisioni për dezinformimin, Zhupa: S’mund të kalojë në mënyrë të njëanshme, ka kompetenca të dyshimta

Politikë | 3 vite më parë

Deputetja demokrate Ina Zhupa ka deklaruar nga Kuvendi se komisioni për dezinformimin, do duhej që së pari të diskutohej me grupet e interesit, opozitën, dhe median. Sipas Zhupës, komisioni ka kompetenca të dyshimta dhe se sipas saj qeveria synon që përmes të ngritjes së këtij komisioni të kontrollojë mediat.

“Komisioni për dezinformimin: ky komision s’mund të kalojë në mënyrë të njëanshme, që një problem perëndimor të zgjidhet me metoda antiperëndimore dhe enveriste.

Nëse keni qëllimin e mirë, ta diskutoni me opozitën, grupet e interesit, mediat. S’mund ta bëni në mënyrë të njëanshme. Komisioni ka kompetenca të dyshimta. Keni një komision të medias që mund t’i shtoni kompetenca por jo, ju ngrini një komision ad-hoc me afat 1-vjeçar deri në zgjedhje, a thua se këto problematika zgjidhen brenda një viti”, tha Zhupa.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.