Në Turqi u mbajtën (31 mars) zgjedhjet lokale në mbarë vendin. Partia e Presidentit Rexhep Tajip Erdogan AKP po përpiqet ta rimarrë pushtetin në Stamboll, qytetin kryesor të Turqisë, që dikur ishte baza e tij. Rezultati i këtyre zgjedhjeve vendore mund të ndryshojë trajektoren e Turqisë.

Zoti Kurum premton ndërtimin e gjysmë milioni shtëpish të reja për të mbrojtur Stambollin nga kërcënimi i tërmeteve. Kryebashkiaku i tanishëm, Ekrem Imamoglu nga partia kryesore opozitare Partia Popullore Republikane, CHP, po paralajmëron se rikthimi i qeverisjes së AKP-së do të nënkuptonte ndërtimin e pakontrolluar në Stamboll. Fitorja e papritur e zotit Imamoglu në zgjedhjet e vitit 2019 i dha fund qeverisjes 30 vjeçare të partisë së Presidentit Erdogan në Stamboll. Ajo u mundësua falë një aleance të gjerë zgjedhore ndërmjet partisë pro-kurde dhe partisë nacionaliste turke.

I ftuar në studion e emisionit “3D nga Alban Dudushi” në RTSH, ish këshilltari në Stamboll Erman Kaleci u shpreh se Partia Republikane është hera e parë pas pothuajse gjysmë shkeli që del partia e parë në zgjedhje.

“Të theksojmë për Partinë Republikane që nga vitit 1977 është hera e parë që del parti e parë në Turqi. Me 37.6% është  hera e parë pas 47 vitesh, pothuajse gjysmë shekulli del parti e parë ne zgjedhje. Dalja e Erdogan në ballkon i vetëm është për të shkundur dhe një herë partinë duke treguar se: “unë jam kryetari, unë jam ideator,i unë humba por s’do të thotë që ju do të jeni më në atë detyrë”, u shpreh Erman Kaleci.

/rtsh.al/