Kreu i PD zyrtare Lulzim Basha, ka reaguar pas arrestimit të kreut në detyrë të Bashkisë së Himarës Jorgo Goro, duke e vënë gishtin si fajtor tek kryeinistri socialist Edi Rama. “Arkitekti i kësaj masakre korrupsioni ka vetëm një emër, Edi Rama” shkruan zoti Basha. “Këta të gjithë paskan ngrënë mollë, kumbulla e dardhë, paskan boshatis të gjithë pemtoren dhe i zoti s’paska parë asgjë?! A ka shqiptarë që e beson këtë?! Sigurisht që jo” shkruan kreu i PD .

“Arkitekti i kësaj masakre korrupsioni, nga koncesionet, tenderat e deri tek pasuritë publike, tokat e shqiptarëve, ka vetëm një emër, Edi Rama.

Të gjitha lidhjet të çojnë tek ai. Hetimi i thelluar dhe pa kursyer askënd është e vetmja rrugë për t’i dhënë fund pandëshkueshmërisë dhe për suksesin e luftës kundër korrupsionit” këmbëngul zoti Basha.  “Inkurojmë dhe mbështesim pa asnjë rezervë SPAK-un në këtë betejë jetike për vendin” shprehi  kreu i opozitës zyrtare.

/ rtsh. al /