Kryetari i Bashkisë së Tiranës, Erion Veliaj priti në takim kryetarin e ri të Bashkisë së Askolit, Marco Fioravanti. Dy kryebashkiakët biseduan për bashkëpunimin mes dy qyteteve. Në shenjë mikpritjeje dhe bashkëpunimi, Veliaj i dhuroi homologut të tij italian “Kullën e Sahatit”.

“Ne jemi pafundësisht mirënjohës për respektin, mikpritjen, solidaritetin, dhe suksesin që Italia ka siguruar për shtetasit tanë. Ky raport special mes Italisë dhe Shqipërisë duhet të shkojë jo vetëm nga niveli i shtetarëve tanë të mëdhenj – kryeministri ynë dhe kryeministrja juaj kanë një raport special, – por edhe te niveli i qyteteve, te niveli i njerëzve apo edhe institucioneve, siç janë shkollat apo siç janë punët që ne mund të bëjmë për fëmijët, edhe të mësojmë nga njëri-tjetri”, tha Veliaj.

Ndërsa kryebashkiaku i Askolit, Marco Fioravanti vlerësoi përvojën që pati nga kjo vizitë në Tiranë.

“Nisur nga ky takim, dua që eksperiencën tuaj mund ta çojmë edhe në Itali, në komuna, për ta bërë edhe më të hapur territorin në Ascoli Piceno. Komplimente për gjithçka keni bërë dhe po bëni”, tha Fioravanti.

Të dy kryebashkiakët u angazhuan të thellojnë bashkëpunimin mes dy qyteteve.

Gazetare: Albana Agolli

/rtsh.al/