Duke folur për prioritetet e qeverisë për 2024, Spiropali ka theksuar se fokusi është për të kthyer Shqipërinë në lideren e rajonit në të gjitha fushat.

Ministrja për Marrëdhëniet me Parlamentin, Elisa Spiropali,  ka vlerësuar projektin madhor të hekurudhës që lidh Shqipërinë me Kosovën duke kaluar nga Shkodra.

Drejtuesja politike e qarkut Shkodër, Spiropali, në një reagim në rrjetet sociale, shprehet se ky projekt strategjik, i dakordësuar në parim nga të dyja ministritë e Infrastrukturës të qeverisë së Shqipërisë dhe Kosovës, do t’i japë tjetër ritëm zhvillimi kryeqendrës së veriut.

“Lezhë – Mbledhja e fillimvitit për prioritetet e 2024-ës në parlament, qeveri dhe parti & diskutime nga sesioni i mbledhjes së zgjeruar të kabinetit qeveritar, për të ecur më shpejt drejt objektivit për kthimin e Shqipërisë në lideren e rajonit në të gjitha fushat. Shumë e lumtur që hekurudha Durrës-Prishtinë, një projekt strategjik i dakordësuar në parim nga të dyja ministritë e Infrastrukturës do të kalojë nga Shkodra. Ky projekt madhor i jep një tjetër ritëm zhvillimi kryeqendrës së veriut”, shkruan Spiropali.

/rtsh.al/