Ish-kryeministri Sali Berisha në një deklaratë për media ka adresuar sërish akuza kundrejt Kryeministrit Edi Rama dhe familjes së tij. Berisha u shpreh se kompani ‘51N4E’, ‘I Riu’ dhe kompani të tjera të lidhura direkt me thjeshtrën e parë kanë fituar 2.9 miliardë lekë tendera.

“Edhe Edi Rama thotë se asnjë nga familja ime nuk ka fituar ndonjëherë fonde publike.

E vërteta është se kompani ‘51N4E’, ‘I Riu’ dhe kompani të tjera të lidhura direkt me thjeshtrën e parë kanë fituar 2.9 miliardë lekë tendera.

Duke filluar nga sheshi Skënderbej, duke përfunduar tek ndërtesa e Bashkisë Tiranë, muzeu Kombëtar, Sheshi i Flamurit, Lungomare dhe dhjetëra e tendera të tjerë.

Kanë shkatërruar tërësisht tregun e kompanive. Asnjë kompani tjetër nuk mund të konkurrojë me kompaninë që ka për flamur thjeshtrën e parë të republikës dhe ‘I riu’.

‘I riu’ i lidhur me kompaninë direkt të thjeshtrës’, tha Berisha teksa hodhi poshtë deklaratat e Ramës, i cili ëhstë shprehur se asnjë nga familja e tij nuk ka përfituar nga fondet publike. Berisha theksoi se “ndërkohë që regjistrat e shtetit, dokumentet e tij, faktojnë të kundërtën. Faktojnë se vajza e familjes është një përfituese e papërmbajtur e fondeve publike nëpërmjet tenderave ku ajo punon dhe ajo bashkëpunon”.

/rtsh.al/