Flakadanët në Kuvend/ Rama-demokratëve: Sjelljet e rrugës i futën në politikë, kanë prekur fundin

Politikë | 3 vite më parë

Kryeministri Edi Rama ka reaguar mbi sjelljen e opozitës në seancën plenare të mbajtur këtë të hënë (20 nëntor). Teksa ka publikuar në rrjetin social X të njohur si Tuitter një foto nga momenti kur deputetët e Rithemelimit ndezin flakadanë, Rama i ka akuzuar këta të fundit se fjalori dhe sjelljet e rrugës i kanë futur në politikë.

Kryeministri shprehet se Rithemelimi ka prekur fundin.

“I futën fjalorin e sjelljet e rrugës në politikë, ndërsa politikën e hodhën në mes të katër rrugëve, duke mbjellë sherr, rrëmujë, dhunë dhe korrur humbje, humbje, humbje… Tanimë kanë prekur fundin, ku i ka marrë me vete halli i një të kërkuari nga drejtësia, që nuk do t’i lëshojë derisa të shkërmoqen e të ridalin copa e çika mbi ujë, si mbeturinat e një anijeje të mbytur”, shkroi Rama.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.