GJKKO lë në fuqi masën ‘Detyrim paraqitje’ për ish-ministrin Ilir Beqja.

Kujtojmë se Beqajt iu komunikua masa ‘detyrim paraqitje’ ditën e shtunë në lidhje me çështjen e sterilizimit.

Ish-ministri i Shëndetësisë, Ilir Beqaj është paraqitur në GJKKO për t’u njohur me masën e sigurisë ‘detyrim paraqitjeje’ dhe ‘ndalim i daljes jashtë shtetit’, për çështjen e koncesionit të sterilizimit ku akuzohet për shpërdorim detyre.

Seanca u drejtua nga gjyqtari i hetimeve paraprake, Erjon Bani pas kërkesës që është bërë nga vetë prokuroria e Posaçme.

Koncesioni i sterilizimit, ish-ministri Ilir Beqaj merret nesër në pyetje, njihet me masën ‘detyrim paraqitjeje’! Shkeljet për të cilat e akuzon SPAK

“Do të flas herë tjetër” mësohet të ketë thënë Beqaj.

Ish-ministri i Shëndetësisë Ilir Beqja është paraqitur këtë të hënë (20 nëntor) në SPAK për t’u njohur me masat e vendosura ndaj tij pas hetimeve për koncesionin e sterilizimit.

Ish-ministri i Shëndetësisë, Ilir Beqaj do të merret në pyetje lidhur me hetimet për koncesionin e sterilizimit. Ish-ministri po ashtu do të njihet edhe me masat e sigurisë ‘detyrim paraqitjeje’ dhe ‘ndalim dalje jashtë shtetit’.

Nga informacionet paraprake mësohet se seanca do të drejtohet nga gjyqtari i hetimeve paraprake, Erjon Bani pas kërkesës që është bërë nga vetë prokuroria e Posaçme.

Masat e sigurisë për Beqjen u miratuan nga Gjykata e Posaçme më 16 nëntor, bazuar në kërkesën e prokurorisë.

Deri tani nga hetimi i SPAK ai është zyrtari më i lartë nën akuzë për shkeljet e konstatuara me kontratën e partneritetit publik-privat të sterilizimit me vlerë 100 milionë euro, pas arrestimit në gusht të këtij viti të biznesmenit Ilir Rrapaj dhe zëvendësit të tij në Ministrinë e Shëndetësisë, Klodian Rrjepaj.

Hetimet e SPAK kanë zbuluar shkelje në procedurat e dhënies së koncesionit, siç dyshohet me qëllimin e vetëm të shpalljes fitues të kompanive të Ilir Rrapajt dhe shtetasit Italian, Umbro Staçini.

/rtsh.al/