Kryeministri Edi Rama në takimin me qytetarët në Peqin, u ka kërkuar atyre t’ia besojnë drejtimin e bashkisë, kandidatit socialist Bukurosh Roçi. Ky i fundit, sikurse tha Kryeministri, është prodhim bio i Peqinit dhe do të jetë aty për komunitetit.

“Nuk besoj se është nevoja që të dëgjoj shumë fjalë për kandidatin tonë këtu, Bukuroshi është prodhim bio i Peqinit.

Roshi e ka pasur dhe besimin e drejtimit të një insitutcioni të rëndësishëm në një moment delikat në sektorin e energjisë dhe ja ka dalë jo vetëm të bëjë atë që duhet, por dhe të fitojë respektin e të gjithëve”, tha Rama.

Rama u shpreh se zgjedhja është shumë e qartë, se në 14 maj të shkojnë të kutia e votimit për të vendosur kë do marrin në punë për 4 vitet që vijnë. Rama u shpreh se nëse nuk e duan karrocën në tako për 4 vite, të zgjedhin “kalin” e PS.

“Zgjedhja e 14 majit shkon përtej kandidatëve sepse lidhet me të ardhmen dhe me funksionimin emarrëdhënieve mes pushtetit vendor dhe qeverisë.

Ne e kemi parë në gjithë rrugëtimin tonë se sa e vështirë bëhet për bashkitë, për komunitetet, kur drejtimi i tyre është në duart e atyre që në gjithë historinë e pluralizmit shqiptar, asnjëherë askund kur ju është dhënë besimi nuk kanë mundur të bëjnë një ndryshim për të cilin sot mund të na tregojnë se sa mirë e kanë bërë, në asnjë bashki”, theksoi ai.

/rtsh.al/