Kryetari në detyrë i Partisë Demokratike, Enkelejd Alibeaj, ka ironizuar ish-kryeministrin Sali Berisha, në lidhje me financimin e fushatës për zgjedhjet e 14 majit.

Në një konferencë për mediat, Alibeaj u shpreh se financat e tyre janë transparente dhe se nuk bëjnë fushatë “me frymën e shenjtë”.

“Në nuk financohemi në mënyrë okulte. Nuk jemi nga ata që bëjmë fushatat me frymën e shenjtë. Çdo gjë në fushatën tonë është me thelb. Një nga problemet ka qenë gjithmonë financimi okult, ndaj do shihni që financat e fushatës sonë do jenë transparente. Me çfarë parash po e bën fushatën tek ‘Airir Albania’ Berisha?”, tha Berisha.

Ish-kryeministri Sali Berisha, i pyetur nga gazetarët se ku i gjen paratë për fushatë, tha se “po financohet nga fryma e fitores”.

“Ne po financohemi dhe do të bëjmë se shpejti një rregullore.  Do të njoftojmë për një rregullore dhe ato fonde do të përdoren për përballimin e nevojave të fushatës. Partinë Demokratike po e financon fryma e fitores”, tha Berisha para disa ditësh.

/rtsh.al/