PD-së i ikën një tjetër kandidat për 14 majin, tërhiqet nga gara kandidati për Bashkinë e Mirditës

Politikë | 4 vite më parë

Një tjetër ‘firo’ ka ndodhur në PD, ku kandidati për Bashkinë Mirditë, Mark Ruçi është tërhequr nga gara për zgjedhjet e 14 majit. Në kërkesën e tij, Ruçi thotë se tërheqja e tij është për arsye personale dhe familjare.

“Unë i quajtur Mark Gjon Ruçi i datëlindjes, 20.08.1964 në Tarazh Mirditë, banues në Rubik-Mirditë paraqes kërkesën si më poshtë:

Duke qenë kandidat për Kryetar Bashkie në Mirditë i propozuar nga subjekti Partia Demokratike e Shqipërisë, për arsye personale dhe familjare me vullnet të lirë dhe të plotë se tërhiqem nga gara e zgjedhjeve të “14 Majit 2023”.

Lutem konfirmoni në KQZ dorëheqjen tim për tu përjashtuar nga lista e kandidatëve për Kryetar Bashkie në Mirditë”, thuhet në kërkesën e tij

Më herët nga gara u tërhoqën edhe Sabah Sheta, kandidat për bashkinë e Krujës , Gjergji Gjata kandidat për Bashkinë e Korçës dhe kandidati i Lezhës Sandër Marku.

Aktualisht kandidatët që PD ka për zgjedhjet vendore të 14 majit janë:

Tiranë-Roland Bejko
Mallakastër- Agron Kapllanaj
Patos- Pranvera Rizai
Fier -Eriselda Zotaj Çelaj
Poliçan – Florian Qamo
Kuçovë – Ilirjan Koxhaj
Kamëz – Bilbil Bajraktari
Dibër – Naim Gazidede
Dimal- Dritan Sula
Sarandë- Skënder Muço
Vau i Dejës- Klomentina Drini
Gjirokastër-Shemsho Lamaj
Këlcyrë-Adriatik Spahiu
14-Bashkia Tepelenë- Sokol Guga
15-Bashkia Finiq- Leonidh Papa

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.