Në një dhomë të vogël në Spitën të Lezhës prodhohen instrumente frymor të 12 krahinave të veriut dhe Kosovës. Fyellat dhe bilbilat, realizohen nga Tonin Kolthi, një ish-efektiv policie i apasionuar pas folklorit.

I frymëzuar nga të parët e tij, Kolthi nisi të prodhojë instrumente frymor që në moshë të vogël. Toninin e gjejmë duke punuar një fyell të mjeshtrit të madh Shaqir Hoti nga Kosova, të cilin e përfundoi brenda një kohe të shpejtë dhe e bëri gati për pune.

Teksa tregon tekniken që përdor, Tonin Kolthi thotë se fyelli i çdo zone është i ndryshëm. Instrumentet frymor i prodhon nga pasioni dhe jo përfitimi, ndërsa ju kërkon të rinjve që të ruajnë traditat e të pareve.

“Ju bëj thirrje të gjithë të rinjve, sidomos atyre në zonën e veriut, pasi ata e kanë përdorur më shumë fyellin mos ta lënë traditën e të parëve se sepse humbin dinjitetin tonë”, u shpreh mjeshtri.

Tonin Kolthi është ndër të vetmit persona që prodhon instrumente frymor në zonën e veriut, ndërsa kërkesat për to janë të konsiderueshme.

Gazetar: Marash Mirashi

/rtsh.al/