Lejet e ndërtimit do dyfishojnë të ardhurat- Në Lezhë, parashikohet arkëtimi i mbi 600 milion lekëve

Sociale | 3 vite më parë

Miratimi i planit rregullues nga Qeveria Shqiptare i ka hapur rrugë dhënies së lejeve të ndërtimit në Bashkinë e Lezhës, e kjo pritet të rrisë të ardhurat në këtë njësi vendore, të cilët përgjatë vitit 2024 dhe 2025 është parashikuar ta kalojnë vlerën e 600 milion lekëve nga 300 milion që ishin më parë.

Ky është objektivi i Drejtorisë së Taksave dhe Tarifave Vendore në Bashkinë Lezhë, ku taksa e infrastrukturës zë pjesën më të madhe të të ardhurave.

Projektimi i të ardhurave është përcaktuar mbi bazën e kapaciteteve fiskale që ka Bashkia Lezhë, ndërsa ndikim pozitiv pritet të japë dhe implementimi i sistemit të ri të taksave.

Interesi i investitorëve për ndërtime kryesisht në zonën turistike të Shëngjinit është mjaft i lartë, ku disa leje ndërtimi janë dhënë e të tjera janë në proces.

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.