Pastor Akil Pano ka deklaruar në studion e emisionit “3D” në RTSH1 se kush dëshiron poligami të shkojë në ato vende ku lejohet një gjë e tillë.

Sipas Panos, është detyrë e çdo besimtari që të ecë konform ligjeve të vendit ku jeton.

“Është detyrë e çdo besimtari të ecë konform ligjeve të vendit ku ai jeton dhe të ecë në paqe me ligjet e vendit ku jeton dhe ndërton familjen e vet. Kam përshtypjen se ka një keqkuptim me idenë e poligamisë në Islam, ashtu si poligamisë së asaj pjese të judaizmit në Torahun e tyre në raport me marrëdhëniet e një burri me shumë gra”, u shpreh Pano.

Në të kundërt, sipas Panos kushdo që ligjin e një vendi e përkthen si ligj për poligaminë të shkojë në ato vende ku lejohet një gjë e tillë.

“Për sa kohë një besimtar jeton në Shqipëri i bindet ligjeve të Shqipërisë. Nëse një individ këtë ligj do ta përkthejë si një ligj poligam në raport me martesën atëherë është i shumëpritur që të shkojë në një vend ku këto ligje janë të mbrojtura nga ligjet e atij shteti”, tha më tej Pano.

/rtsh.al/