Në Ditën Ndërkombëtare të Personave me Aftësi të Kufizuara, Ministrja e Shëndetësisë, Albana Koçiu ka përuruar rikonstruksionin e Qendrës së Zhvillimit Rezidencial në Durrës.

Kjo Qendër funksionon 24 orë në 7 ditë të javës duke ofruar shërbim rezidencial për persona me aftësi të kufizuara. Ministrja Koçiu ka vlerësuar përkushtimin e punonjësve të kësaj Qendre.

“Respekt për të gjithë për ço përkushtim që bëni çdo ditë. Ne jemi të gjithë bashkë këtu për të bërë më të mirën”, u shpreh ministrja mes të tjerash.

Kjo qendër funksionon me ekip multidisiplinar dhe ofron shërbime të ndryshme si, akomodim, përkujdesje, aktivitete sociale, edukative, terapi integrimi në shoqëri, shërbim shëndetësor, mbështetje psikosociale, shërbime psikomotore, fizioterapi, ortofoni, terapi okupacionale, terapi zhvillimi, shërbime bazike, aktivitet social kulturor etj.

/rtsh/