I gjetëm në arë duke vjelë patate, Nafia dhe Isuf Grisha fëmijët i kanë të martuar dhe jetojnë vetëm,  pavarësisht se kushtet ekonomike i kanë të mira, tokat e tyre nuk i lënë dot pa punuar.

“Shumë i dobët prodhimi i këtij viti. Shiu i madh, breshëri ishin prej shkaqeve e një prodhimi të dobët. Ka ndikuar lagështia e tepër, si edhe rënia e vrugut, të cilët prishën prodhimin e patates”, shprehen banorët.

Tregu mungon gjithsesi patatja e tyre nuk mbetet pa shitur por për çmimin nuk janë të kënaqur.

Ndërsa u mungon edhe krahu i punës pasi të rinjtë nuk motivohen për të punuar, për t’u marrë me patate etj.

Në Shishtavec, fshatin e njohur për prodhimin e patates, shumëllojesh dhe çilësore, në një llogari të thjeshtë sipas banorëve  mund të thuhet se mbjellin patate rreth 100 shtëpi, qoftë për të nxjerrë në treg apo për përdorim vetiak.

Gazetare: B. Gërmizi

/rtsh.al/