Fëmijë të disa shkollave 9-vjecare në Tiranë u bënë pjesë e turneut të Tenisit “Sali Nallbani Open”. Përfshirja e tyre në këtë sport nisi me projektin “Sport për Shëndet”, por tashmë shumë prej tyre dëshirojnë të bëhen sportistë profesionistë.

Projekti Sport për Shëndet nisi në vitin 2018, me mbështetjen e Bashkisë së Tiranës dhe Ambasadës së Zvicrës në Tiranë, duke i ndihmuar këta fëmijë të kalojnë edhe ngjarje të vështira, si tërmeti apo pandemia.

“Projekti Sport për Shëndet rezultoi edhe një model i sukssesshëm për të nxitur sportin dhe jetesën e shëndetshme për fëmijët e shkollave, që mund të ndiqet edhe më tej”, tha abasadori i Zvricrës në vendin tonë.

Në mënyrë simbolike “Tenis Tirana” i dhuroi ambasadorit të Zvicrës në vendin tonë Adrian Maitre, një raketë tenisi me të cilin ka luajtur legjenda e tenisit shqiptar, Sali Nallbani, fitues i 26 çmimeve ndërkombëtare.

/rtsh/