Manchester City është kualifikuar në gjysmëfinale të Kupës FA pasi ka mundur 2-0 Everton falë dy golave të shënuar në dhjetë minutat e fundit të sfidës. Pjesa e parë është zhvilluar e mbushur me emocione, me raste, por pa konkretizimin e duhur.

Dy goditje të Foden janë bllokuar nga mbrojtja e Toffees; pastaj, në anën e kundërt, goditja e Digne neutralizohet nga Steffen, i cili në këtë sfidë ka mbrojtur portën e skuadrës së Guardiolës. Ndeshja mbetet e ekuilibruar. Në minutën e 35-të filtri magjik i Sigurdsson, nxjerrh Calvert-Leëin vetëm kundër Steffen, por portieri i Citizens del dhe lehtëson shkëputjen pasuese të Dias.

Në fund të pjesës së parë, Mina erdhi në mënyrë të përsosur në një goditje nga këndi, por gjeti një goditje me kokë të refuzuar nga Zinchenko, i cili shpëtoi skuadrën nga një moment I rrezikshëm. Në fillim të pjesës së dytë Fernandinho shërben për Sterling, por anglezi heziton dhe Virginia është i kujdesshëm për të evituar rrezikun

Dueli midis të dyve rinovohet në 58’ dhe Virginia këtë herë kryen një pritje të vërtetë, duke devijuar goditjen e rrezikshme të Sterling me majat e gishtave. Foden shkon shumë afër avantazhit të skuadrës së City me një goditje që prek shtyllën.

Gjithçka vendoset më pas në minutën e 84-të: në goditjen e Laporte, Virginia refuzon traversën dhe me një goditje me kokë Gundogan sjell avantazhin me një zhytje. Kundërsulmi fitues i De Bruyne vlen për 0-2 përfundimtar në Goodison Park. Sfida mes Ancelotti dhe Guardiola fitohet nga ky i fundit.