Kategoria e Parë e Kampionatit Kombëtar të Futbollit ka luajtur të hënën pasdreke të gjitha ndeshjet e javës së saj të 10-të, duke dhuruar tri barazime dhe tri fitore të skuadrave udhëtuese. Midis barazimeve, spikati ai midis Bylisit vendas dhe Besës, që u mbyll me rrjeta të paprekura dhe skuadra ballshiote u ndal në barazimin e dytë në këto 10 javë të para, ku nuk e njeh humbjen, sepse ka korrur 8 fitore dhe kryeson në kuotën e 26 pikëve. Në barazim, por në shifrat 1-1, u mbyll edhe ndeshja e luajtur në Fushë-Krujë, midis Kastriotit dhe Apolonisë, pamje të së cilës na përcjell kjo kronikë.

Arapi i ka kaluar krutanët në epërsi pas vetëm 3 minutash lojë, ndërsa Trifoni barazon shifrat për fierakët në minutën e 30-të. Ora e mbetur e lojës nuk ka sjellë gola të tjerë dhe të dyja skuadrat ndajnë nga një pikë, me Apoloninë që ngjitet në vendin e 4-t, me 18 pikë, një më pak sesa Vora, që u ndal gjithashtu në një barazim 2-2 në fushën e vet përballë Lushnjës.

Fituesja e madhe e kësaj jave ishte AF Elbasani, që fitoi 4-2 në fushën e Luzit të Vogël dhe u ngjit në kuotën e 22 pikëve, duke qenë tashmë 4 pikë prapa Bylisit kryesues. Fitore në fushë të huaj korri edhe Flamurtari, që iu fal golit të Sidibesë për të marrë 3 pikët në Peshkopi përballë Korabit vendas, por edhe Burreli, që gjithashtu me një gol të vetëm fitoi në Berat ndaj Tomorit.

Java e 10-të

BYLIS-BESA 0-0

KASTRIOTI-APOLONIA 1-1

Arapi 3′ / Trifoni 30′

KORABI                -FLAMURTARI 0-1

Sidibe 36′

LUZI-AF ELBASANI 2-4

Treni 40′, Xhika 49′ / Leo Melo 9′, 78′ Greca 14′, Hasani 17′

TOMORI-BURRELI 0-1

Naza 63′

VORA-LUSHNJA 2-2

Raboshta 45+2′ / Kasmollari 15′, Ajinde 73′