Kategoria e Parë ka zbritur sot në fushën e lojës me pesë ndeshje në kuadër të javës së 14-të: dy ndeshje në Grupin A dhe tri në Grupin B.

Në Grupin A, Vora ka suprizuar Dinamon duke marrë një fitore 1-0 me një gol të shënuar nga Tavani dy minuta para fundit të sfidës. Pas përfundimit të sfidës, nuk kanë munguar dhe akuzat nga administrator i bluve, Ermal Barushi, i cili për RTSH Sport, ndër të tjera ka theksuar: E mira është, që gjithçka të vendoset në fushën e lojës. Urime Vorës, që na i vështirësoi gjithçka. Nga situata e krijuara, po luhet një lojë e pisët kundër Dinamos”.

“Këtu ka qenë një drejtues i Burrelit, që ka pasur kontakt me ekipin e Vorës.Unë e bëj publike këtë, sepse ka pasur ndikim te lojtarët e Vorës. Nuk kam asgjë me Vorën. Shumë raste janë të diskutueshme. Sot nuk na u dha një penallti në pjesën e parë. Nuk e di çfarë Vora pretendon në këtë moment. Penalltia e pjesës së parë mund të ndryshonte ndeshjen. Është gjithçka që ndodh në kurriz të Dinamos”.

Në ndeshjen tjetër të këtij grupi, Veleçiku ka arritur të marrë një fitore 1-0 përballë Orikut. Goli është shënuar nga Bega në minutën e 31-të.

Në Grupin B, Egnatia vazhdon rrugën e saj drejt Kategorisë Superiore duke bindur edhe në ndeshjen e fundit me një fitore 4-1 përballë Turbinës. Magani(dopietë), Shtubina dhe Shyti shënuan për rrogozhinasit. Goli i vetëm për cërrikasit u shënua nga Jaupaj.

Tomori ka fundosur Flamurtarin me një fitore 4-0. Golat u shënuan nga Camko(dopietë), Pepa dhe Oshafi. Pogradeci ka marrë një fitore 2-1 në transfertën me Elbasanin. Dragoi dhe Dushaj shënuan për pogradecarët, Balduino shënoi për Elbasanin.

KATEGORIA E PARË.JAVA 14

Grupi A

VORA-DINAMO  1-0

Golat: Tavani 88’

VELEÇIKU-ORIKU  1-0

Golat: Bega 31’

RENDITJA/GRUPI A

Poz.Skuadra       Piket      NL      F       B      H     GSH    GP      DG       PP

1.KF Burreli         28         12       8       4      0      23       7        16         0

2.FK Dinamo       26         12       8       2      2      15       4        11         0

3.KS Korabi         21         12       6       3      3      13       8        5           0

4.KF Erzeni          15         12       4       3      5      12      11       1           0

5.VORA               14         13       4       2      7       6       16      -10         0

6.Besëlidhja        13          11       3      4      4      12      11        1           0

7.Oriku                11          12      3       2      7      4       11        -7          0

8.Partizani B        10          11      2       4      5      11     17        -6          0

9.Veleçiku            10         13      2        4      7      9      20        -11         0

Grupi B

ELBASANI-POGRADECI 1-2

Golat: Balduino 20’/ Dragoi 10’, Abazaj 66’

TOMORI-FLAMURTARI 4-0

Golat: Camko 35’, 65’, Pepa 40’, Oshafi 74’

EGNATIA-TURBINA  4-1

Golat: Magani 28’, 53’,  Shtubina 45’, Shyti 59’/ Jaupaj 38’

RENDITJA/GRUPI B

Poz. Skuadra        Piket    NL       F          B         H         GSH    GP       DG      PP

1.FK Egnatia         29        13        8          5          0          22        3        19        0

2.FK Tomori          20        11        6          2          3          18        10      8          0

3.FC Besa              19        12        5          4          3          16        7        9          0

4.KF Pogradeci     19        11        6          1          4          18        12       6          0

5.FC Lushnja         16        11        4          4          3          12        15       -3         0

6.KF Turbina         14        10        3          5          2          11        11       0          0

7.Flamurtari          7          11        2          1          8          6          18       -12       0

8.KS Luftëtari        0          2          0          2          0          0          0          0          3

9.FK Elbasani         0          11        0          0          11        4          31       -27       0