Zgjedhjet parlamentare, voton Berisha: Do kemi një Ditë të dytë Vere

Politikë | 1 vit më parë

Kreu i Partisë Demokratike, Sali Berisha dhe bashkëshortja e tij, Liri Berisha, kanë votuar pranë qendrës së votimit të vendosur në ambientet e Liceut Artistik “Jordan Misja”, në Tiranë.

Në një deklaratë të shkurtër për mediat, Berisha i bëri thirrje qytetarëve që të dalin në votime, ndërsa 11 majin e konsideron “një Ditë të dytë Vere”.

“Një thirrje zemre për çdo qytetar shqiptar që sot të votojnë, të votojnë për veten e tyre, për fëmijët e tyre, për pensionet dhe rrogat e tyre, për punësimin, biznesin, fermën e tyre, të votojnë për të ardhmen e fëmijëve të tyre në këtë vend. Unë, çdo njeri që takova, takova njerëz të gëzuar dhe të sigurt në votën e tyre dhe mezi presin rezultatin. Do kemi një ditë të dytë vere, ndaj thirrja ime është votoni, votoni, votoni!”, tha Berisha.

/rtsh.al/

sali berisha

zgjedhjet e 11 majit

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.