Me një jetë të dedikuar artit, aktori i njohur Zhani Ziçishti u nda nga jeta në moshën 86-vjeçare, duke lënë pas një trashëgimi të pasur artistike që do të frymëzojë breza të tërë.

I lindur më 31 maj 1940 në qytetin e Korçës, Ziçishti ndoqi ëndrrën e tij përmes studimeve në Institutin e Lartë të Arteve, sot Akademia e Arteve, ku formoi shpirtin e tij artistik. Pas diplomimit, ai iu bashkua trupës së Teatri ‘A.Z. Çajupi’, duke sjellë në skenë jetë, emocione dhe pasion në çdo rol që interpretonte. Publiku e njohu dhe e deshi për talentin e tij, për aftësinë të bëjë të gjallë çdo personazh, qoftë në komedi apo dramë.

Roli i tij i parë në kinematografi ishte ai i mësuesit Agron në filmin “Lumë drite” (1970). Më pas, me 16 role në filma artistikë, Zhani Ziçishti arriti të ndërthurte artin e skenës me atë të ekranit, duke lënë gjurmë të pashlyeshme në historinë e teatrit dhe kinemasë shqiptare.

Emri i tij mbetet një simbol i përkushtimit dhe i pasionit për artin, një kujtim i gjallë i përjetësisë së kulturës që ai shërbeu me shpirt dhe me zemër.

/rtsh.al/