Shpërthim në një fabrikë fishekzjarrësh në Kinë, të paktën 21 viktima dhe mbi 60 të plagosur

Azi | 5 muaj më parë

Një shpërthim në një fabrikë fishekzjarrësh në provincën Hunan të Kinës ka vrarë të paktën 21 persona, ndërsa 61 të tjerë kanë mbetur të plagosur.

Shpërthimi u regjistrua në uzinën e fishekzjarrëve Huasheng, në qytetin Liuyang, ndërsa në aksionin e kërkim-shpëtimit janë angazhuar 500 persona.

Shkaqet e shpërthimit nuk dihen ende, ndërsa presidenti kinez Xi Jinping bëri thirrje për një hetim të aksidentit për të vënë përpara përgjegjësisë personat përgjegjës.

Fabrika në provincën Hunan prodhon rreth 60% te fishekzjarrëve të shitur në Kinë dhe 70% për eksport.

Shpërthimet në fabrikat dhe dyqanet e fishekzjarrëve nuk janë të rralla në Kinë dhe shpesh janë vdekjeprurëse. Në shkurt, 12 persona u vranë në një shpërthim në një dyqan fishekzjarrësh në provincën Hubei.

/rtsh.al/

Kina

shperthim

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.