Nisin fluturimet direkte Tiranë-Kopenhagë, 2 herë në javë

Nga 29 maji Tirana lidhet direkt me kryeqytetin e Danimarkës, Kopenhagë, përmes linjës ajrore.
Tirana Airport Partners bën të ditur se të gjithë pasagjerët mund të fluturojnë direkt drejt Kopenhagës nga Tirana dhe anasjelltas 2 herë në javë.
Fluturimet do të kryhen nga kompania “Norwegian Airlines”. Norwegian Airlines gjithashtu kryen fluturime direkte nga Tirana në Oslo 3 herë në javë.
Aeroporti Ndërkombëtar i Rinasit është tashmë aeroporti me fluksin më të lartë në rajon, me mbi 2.8 milionë pasagjerë vetëm gjatë 4 muajve të parë të 2024-ës.
Kjo edhe falë linjave të reja dhe veçanërisht mundësive për lidhje me vende që nuk ishin të lehta e të arritshme më parë.
Shqipëria ka një turizëm që po rritet. Mbështetur në të dhënat e fundit të Agjencisë së Trafikut Ajror, Shqipëria ka rritjen më të shpejtë në aeroporte në mbarë Europën me 222 %.
/ rtsh.al /
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.




