Zjarr në repartin e kirurgjisë në Spitalin Rajonal Shkodër

Aktualitet | 3 vite më parë

Reparti i kirurgjisë në Spitalin Rajonal të Shkodrës është përfshirë pasditen e të shtunës nga zjarri.

Zjarri ka rënë në dhomën e një prej mjekëve, por fatmirësisht nuk ka pasur të lënduar në njerëz.

Shkak është bërë një kondicioner që ështe përfshirë nga zjarri e më pas flakët janë përhapur.

Reparti zjarrfikës ka ndërhyrë me shpejtësi duke vënë nën kontroll flakët.

Disa dëme materiale janë shkaktuar në dhomën e mjekut.

Në momentin që ka rënë zjarri, pacientët dhe stafi i infermierëve dhe mjekëve janë zhvendosur në një mjedis të sigurtë të spitalit dhe nuk ka pasur probleme. Por ngjarja ka sjellë kaos dhe frikë tek pacientët.

Ekspertët po shqyrtojnë shkaqet e zjarrit. Dyshohet për mbikangarkesë elektrike në paisje për shkak edhe të temperaturave të ulta.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.