Rama ndan pamje nga Thumana e rindërtuar, 4 vjet pas tërmetit të 26 nëntorit

Politikë | 3 vite më parë

Kryeministri Edi Rama publikoi pamjet nga Thumana, zona më e prekur nga tërmeti i 26 nëntorit 2019, sot e rindërtuar pas tërmetit të fortë që preku vendin në orët e para të 26 nëntorit, e që la pas 51 të vdekur dhe qindra të plagosur.

Qeveria mori përsipër rindërtimin e banesave për të prekurit nga tërmeti. Kosto e rindërtimit u llogarit mbi 1 miliard euro.

Pas tërmetit u ndërtuan lagje të reja me qendra shëndetësore, shkolla dhe gjithë infrastrukturën mbështetëse.

Në Thumanë janë ndërtuar 14 pallate dhe 156 shtëpi individuale për të gjithë banorët, që humbën shtëpitë e tyre natën tragjike që goditi fort këtë zonë.

Lagjja e re në Thumanë ka edhe ambiente të gjelbra dhe terrene sportive për komunitetin, ku përfshihen fusha basketbolli, volejbolli dhe futbolli.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.