Përkeqësohet moti në Durrës, vonesa në nisjen e trageteve. kujdes me daljen në det!

Aktualitet | 3 vite më parë

Përkeqësimi i kushteve te motit ka sjellë probleme në portin e Durrësit. Për shkak të reshjeve dhe shiut dhe erës se fortë është pezulluar përkohësisht puna në terminalin e Mallrave Gjenerale, ndërsa në terminalin e kontenjerve vazhdon normalisht.

Përsa i përket Trageteve, situata hidro-meteorologjike në Adriatik nuk mundëson nisjen në orar (22.00) nga Bari dhe Durrësi.

Imbarkimi i kamioneve dhe pasagjerëve nga Durrësi pritet të ndodhë normalisht, por nisja me shumë mundësi do të bëhet në orët e para të së dielës.

Pasagjerët dhe shoferët janë njoftuar nga linjat përkatëse për këtë vonesë.

Drejtoria e Përgjithshme Detare iu ka bërë thirrje pronarëve të mjeteve te vogla lundruese që të marrin masa për postimin e tyre, për të shmangur incidentet në kushtet e përkeqësimit te motit.

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.