Kryeministri Rama vlerëson ekipet që menaxhojnë situatën e krijuar nga moti i rënduar

Aktualitet | 3 vite më parë

Gjatë 24 orëve të fundit Shqipëria po përballet me reshje intensive shiu e stuhi të cilat kanë krijuar probleme në shumë akse rrugore.

Kryeministri Edi Rama ndau të shtunën në rrjetet sociale momente nga puna e strukturave të angazhuara për kthimin e situatës në normalitet.

Kryeministri shprehu mirënjohjen ndaj të gjithë ekipeve që kanë punuar pa reshtur gjatë natës për menaxhimin e situatës së krijuar nga moti i rënduar, ndërsa vazhdojnë të jenë në terren në gjithë vendin për parandalimin e pasojave.

Zoti Rama u bëri apel edhe qytetarëve që të rritin kujdesin dhe të shmangin lëvizjet e panevojshme deri në normalizimin e situatës.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.