Partia Demokratike zyrtare akuzoi qeverinë dhe bashkitë që në shumicë drejtohen nga socialistët, se dështuan në administrimin e situatës së krijuar nga përmbytjet e ditëve të fundit. Nënkryetarja Orjola Pampuri tha se situata ishte paralajmeruar nga Italia, por nuk u mor asnjë masë.

Zonja Pampuri tha se situata e rëndë e krijuar në gjithë vendin për shkak të stuhisë “Ciaran” zbuloi edhe një herë paaftësinë e qeverisë për të menaxhuar emergjencat e krijuara prej fatkeqësive natyrore.

“Mekanizmat institucionalë dhe ligjore që fillojnë me Agjencinë Kombëtare të Mbrojtjes Civile dështuan sërish në parandalimin e dëmeve që priteshin”, u shpreh ajo në deklaratë për mediet.

Sipas zonjës Pampuri, pasojat e stuhisë që goditi Italinë fqinje ishin të paralajmëruara dhe të ditura për të gjitha institucionet përgjegjëse që nga Agjencia Kombëtare e Mbrojtes Civile, Shërbimi Metreologjik Ushtarak dhe bashkitë.

“As edhe një masë parandaluese nuk u ndërmor gjtaë javës që shkoi, duke nxjerrë zbuluar paaftësinë dhe papërgjegjshmërinë e qeverisë dhe bashkive të drejtuara nga socialistët. Ura të shembura, rrugë të shkatërruara e deri përmbytje të lagjeve të Tiranës, Durrësit e qyteteve të tjera”, tha Pampuri.

Gazetare Sonila Agostini

/ rtsh.al /