“Cens 2023” përmbyllet para afatit në qarkun e Kukësit

Aktualitet | 3 vite më parë

“Cens 2023” ka përfunduar para afatit në qarkun Kukës. Lajmi është bërë me dije për emisionin “Mirëmëngjesi Shqipëri” nga gazetarja Besjana Gërmizi.

Edhe pse censi në qarkun e Kukësit nisi i fundit për shkak të zgjedhjeve, sërish ka arritur që procesi për regjistrimin e banesave të përmbyllet para datës 15 nëntor, afat shtesë ky i vendosur nga qeveria.

Gjatë procesit nuk u shënua asnjë problematikë. Regjistrimi i popullsisë e banesave u bë derë më derë.

Për procesin e CENS-it u angazhuan 101 anketues të trajnuar përkatësisht 56 në Kukës, 15 në Has e 30 në Tropojë, së bashku me 19 kontroll dhe katër supervizorë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.