Dimal/ Kultivuan 240 bimë kanabis në oborrin e një banese, në pranga 38-vjeçari, shpallet në kërkim vëllai i tij

Aktualitet | 3 vite më parë

Një person është arrestuar dhe një tjetër është shpallur në kërkim në Dimal, të akuzuar për kultivim kanabisi. Policia bën me dije se në pranga ka rënë 38-vjeçari i identifikuar si Petrit Dyli, ndërsa është shpallur në kërkim vëllai i tij, Armando Dyli.

Ata kishin kultivuar 240 bimë narkotike, në oborrin e një banese, dhe kishin përshtatur një ambient të saj, për tharjen e bimëve narkotike

Gjatë kontrollit, shërbimet e Policisë gjetën 50.8 kg lëndë të dyshuar narkotike kanabis në proces tharjeje, e cila u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.